in ,

निनावं

“निनावं” हा पारंपरिक सी.के.पी पदार्थ आहे. ह्याला तुम्ही पारंपरिक केक म्हणू शकता. आधीच्या काळी पारंपरिक पद्धतीने हा विस्तवावर खरपूस भाजून तयार केला जायचा. गव्हाचे पीठ, बेसन, तूप, गूळ, नारळाचे दूध, वेलची पूड हे सगळे जिन्नस एकत्र करून बेक केल्यावर जो पदार्थ तयार होतो तो चवीला अप्रतिम लागतो. निनावं या शब्दाचा शब्दशः अर्थ ज्याला नाव नाहीये असा.दिवाळीच्या फराळात हा पदार्थ नक्की करून पहा.

साहित्य

१३ वड्यांसाठी
१ वाटी बेसन
१/२ वाटी गव्हाचे पीठ
एक किंवा दीड वाटी बारीक चिरलेला गूळ आवडीनुसार
२ वाट्या नारळाचे दूध
१/२ वाटी साजूक तूप
केशर, वेलची पूड आवडीनुसार.

कृती

प्रथम बेसन आणि गव्हाचे पीठ एकत्र करून तुपावर खमंग भाजून घ्या आणि थंड करा. (मी भाजताना तुपाचे प्रमाण जास्त झाल्यामुळे पीठ कोरडे न होता ओले झाले होते, तुपाचे प्रमाण अर्धीवाटीचं ठेवा म्हणजे पीठ कोरडे राहील. तूप जास्त झाल्यास बेक करताना नारळाच्या दुधाचेही तूप सुटून निनाव खूप तुपकट होतो. तूप जास्त सुटल्यास बेक झाल्यावर टिन वाकडा करून जास्तीचे तूप निथळून काढता येते.)

नारळाच्या दुधात गूळ विरघळून घ्या त्यात केशर आणि वेलची पूड टाका.

हे नारळाचे दूध भाजलेल्या पिठामध्ये गुठळ्या न होऊ देता घाला.

गॅसवर ठेऊन घट्ट होईपर्यंत सतत ढवळत राहा.

चांगले घट्ट झाल्यावर बेकिंग टिनला तुपाचा हात लावून त्याच्यावर नीट पसरवा. वरून थोडेसे तूप सोडा.

प्रीहिटेड ओव्हनमध्ये १८० अंश सेल्सियसला २०-२५ मिनिटे बेक करा. वरून खरपूस होईपर्येंत ठेवा.

 

थंड झाल्यावर वड्यापाडून सर्व्ह करा.

What do you think?

Written by Bhakti D

Bhakti is a dedicated full-time certified yoga instructor and follows yogic teachings as a way of life rather than a fitness goal. Yoga has helped her lead stress-free life for herself as well as has a calming influence on the family. After she realized the goodness of Yoga, she decided to pursue Yoga more seriously by building on Yoga related competencies. She has done a number of classrooms as well as one to one teaching sessions in Mumbai, helping her clientele achieve a happy and healthy lifestyle.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

चिरोटे रेसिपी

मिल्क पावडर बर्फी रेसिपी